【熊貓出沒注意】
好多謝你哋真係會嚟書展買《分手旅行》同《我投胎前冇飲到孟婆湯》，不過因為我每日都由開館返到閉館，加上住得遠，扣埋搭車時間，已經連續五日每日只瞓到三個幾鐘，所以我真係好攰冇晒能量，個黑眼圈大到我連照鏡都唔想望到自己個樣。
請原諒我呆呆滯滯，冇乜表情同反應嘅模樣（抱歉有時仲要行開咗做嘢要你哋等我），而其實我內心係非常緊張同感激你哋每一個人，我講真㗎，我連你哋個個笑我唔准再寫錯名都覺得好開心🙈
我而家返到屋企出埋呢個Post已經凌晨三點幾了，諗起三個半鐘後要起身就覺得好疲倦，但瞓喺床睇返你哋Tag我嘅相同留言（仲見到呢張之鋒亂入哈哈哈），諗到書展得返最後三日，下年仲有冇機會出書或幾時再同大家見面都係未知之數，然後竟然又唔捨得呢個地獄星期咁快就完。
早抖，聽日書展1D-A22攤位見: )
P.S. 多謝你哋啲糖、咖啡同葡萄適，完咗書展後我會盡快寫好新故報答大家，請容忍下呢幾日嘅宣傳Post喇？
Search